UNDHA-USUK BASA JAWA

Werkudara

Basa minangka sarana komunikasi kanggo nglantarake marang sawijining maksud utawa kekarepan marang wongsing diajak gunem. Basa uga sarana kanggo nglairake panguneg-uneg  kanthi cara nulis utawa maca. Mula anggone nggunakake basa kudu trep ora kena tumpang suh. Kudu mangerteni marang sapa kang diajak gunem, mula basa ndueni unggah-ungguh. Adhedhasar tataran/ unggah-ungguh basa, jinising tembung kaperang dadi 3:

1.        Ngoko

2.        Krama Madya

3.        Krama Inggil

Tuladha jinising tembung manut tataran lan unggah-ungguh ing ndhuwur yaiku:

Ngoko	Krama Madya	Krama Inggil
Arep	Ajeng/ badhe	Kersa
Bali	Wangsul	Kondur
Gawa	Bekta	Asta
Gelem	Purun	Kersa
Isin	Isin	Lingsem
Jeneng/ aran	Nama	Asma
Lunga	Kesah	Tindak
Mangan	Nedha	Dhahar
Mata	Mripat	Paningal
Ndeleng	Ningali	Mriksani

Dene unggah-ungguh basa utawa ragam basa iku sabenere akeh banget nanging sing lumrah dienggo iku ana 4:

1.        Basa Ngoko Lugu

a.       Wujude: Basane goko kabeh tanpa tetembungan krama inggil.

b.      Panganggone:

·         Guneme wong kang wis kulina.

·         Guneme wong tuwa marang wong enom.

·         Kanggo ngunandika.

·         Guneme bendara marang bature.

c.       Wuwuhan: di-, -e, -ake

d.      Tuladha:

Bukune wis digawa Ani

2.        Basa Ngoko Alus

a.       Wujude: Tembunge ngoko kacampur tetembungan krama inggil. Ater-ater lan panambang ora dikramakake (di-, -e, -ake).

b.         Panganggone:

·         Kanggo gunem wong kang sepantaran/ sepadha-padha nanging ngajeni.

·         Sedulur tuwa marang sedulur enom kang luwih dhuwur drajate.

·         Dienggo dening wong kang wis kulina nanging ngajeni.

·         Guneme garwa marang sing kakung.

c.       Tuladha:

·         Ibu lagi dhahar

·         Bapak wis tindak kantor.

·         Bukune wis diasta mbak Susi

3.        Basa Krama Lugu

a.       Wujude: Tembunge krama tanpa tetembungan ngoko lan krama inggil. Ater-ater lan panambange krama (di- à dipun-), (-e à -ipun), (-ake à -aken).

b.      Panganggone:

·         Kanggo guneme wong kang nembe tepung.

·         Kanggo guneme wong kang durung rumaket.

·         Kanggo mbasakake awake dhewek.

·         Kanggo guneme wong kang wis rumaket saperlu ngajeni.

c.       Tuladha:

·         Kula sampun nedha sayur.

·         Bukunipun sampun dipunbekta Mbak Susi.

4.        Basa Krama Alus

a.       Wujude: Tetembungane krama kacampur tetembungan krama inggil tumrap wong kang diajak gunem. Ater-ater lan panambange krama (di- à dipun-), (-e à -ipun), (-ake à -aken).

b.      Panganggone:

·         Guneme batur marang bendarane.

·         Guneme wong enom marang wong tua.

·         Guneme andhapan marang pimpinane.

c.       Tuladha:

·         Bukunipun sampun dipunastaakaken Bapak.

·         Bapak saweg dhahar.

Waosan Salajengipun »»  

CANGKRIMAN

Cangkriman iku unen-unen utawa ukara kang kudu dibatang kekarepane. Cangkriman uga ana kang ngarani bedhekan. Cangkriman biasane digunakake kanggo gegojegan. Cangkriman cacahe ana 5 yaiku cangkriman wancahan, pepindhan (irib-iriban), wantah, blenderan, lan cangkriman kang sinawung ing tembang

1.      Cangkriman Wancahan

·         Wancah iku tegese cekak.

·         Cangkriman wancahan yaiku cangkriman kang kedadean saka tembung-tembung kang diwancah utawa dicekak.

·         Cangkriman wancahan bisa uga ditegesi cangkriman kang awujud cekakan saka tembung-tembung.

·         Tuladha:

Kabaketan      = nangka tiba nang suketan

pakboletus      = tapak kebo ana lelene satus

burnaskopen   = bubur panas kokopen

Burnas kopen = bubur panas kokopen

Yu mae ron    = yuyu omahe rong

2.      Cangkriman Irib-iriban (Pepindhan)

·         Cangkriman irib-iriban yaiku cangkriman kang kedadean saka pepindhan utawa irib-iriban barang.

·         Tuladha:

Sega sekepel dirubung semut                         = salak.

Pitik walik saba kebon                                   = nanas.

Bocah cilik tlusap-tlusup nang kebon            = dom (jarum).

3.      Cangkriman Wantah

·         Wantan yaiku apa anane manut tembunge.

·         Cangkriman wantah yaiku cangkriman kang ngemu surasa salugune utawa apa anane.

·         Tuladha:

Dicakot buntute sing kalong endhase                        =  rokok

Dikethok saya dhuwur, disambung saya endhep      =  kathok

Kewan apa sing endhase nang sikil, matane neng sikil, awake neng sikil = pitik kepidek

4.      Cangkriman Blenderan

·         Cangkriman blenderan yaiku cangkriman kang ngemu surasa blenderan (plesetan), anggone mbatang kudu luwih ngati-ati, jalaran yen kurang ngati-ati bakal keblender. Cangkriman blenderan iki cangkriman iki sejatine ukara pranyatan kang bisa gawe bingung yen macane salah.

·         Tuladha:

Wong adol tempe ditaleni                               = sing ditaleni tempe, dudu wong sing dodol.

Wong mati ditunggoni wong mesam-mesem = sing mesam-mesem wong sing nunggu, dudu sing mati

Wong wis gedhe kok ngguyu tuwa                = nangis

5.      Cangkriman kang sinawung ing tembung yaiku cangkriman kang mapan ana ing tembung.

·         Tuladha:

Bapak Pucung.

Amung sirah lawan gembung.

Padha dikunjara.

Mati sajroning ngaurip.

Mijil baka.

Si pucung dadi dahana. (penthol korek).

Bapak pucung.

Renteng-renteng koyo kalung.

Dowo koyo ulo.

Pencoanmu wesi miring.

Sing disobo.

Si pucung mung turut kutho. (sepur).

Bapak Pucung angger butuh ngambung-ambung,

Yen juragan mangan,

Ngglibet sinambi ngriwuki,

Yen wis oleh Pucung nggereng karo mangan. (kucing)

Bapak Pucung yen kesinggung adhuh biyung,

Bisa ngejur omah,

Nadyan mobil ra preduli,

Pucung mendha lamun ta siniram tirta. (geni)

Waosan Salajengipun »»  

TEMBUNG KOSOK BALEN (ANTONIM)

1.   Tembung kosok balen yaiku tetembungan kang ndueni teges lelawanan (kosok balen). Ing basa Indonesia diarani antonim.

2.      Tuladha:

ku tembung sing tegese lelawanan.

Tuladha:

A             

abot                      ><        entheng

andhap asor         ><        degsura, murang tata

adhem                  ><        panas

adol                      ><        tuku

agung                   ><        asat

akeh                     ><        sethithik

ala                         ><        becik

angel                    ><        gampang

angok                   ><        rob

anggak                 ><        grapyak

apal                      ><        lali

atos                      ><        empuk

B                         

bagus                   ><        ala

bandel                  ><        gembeng

banter                   ><        rindhing/ alon

bathi                     ><        tuna/ rugi

barang para          ><        barang pengaji

becik                    ><        ala

begja                    ><        cilaka

bener                    ><        luput

bening                  ><        butheg

brangasan             ><        sabar

boros                    ><        irit

buneg                   ><        lejar

bungah                 ><        susah

C                         

cedhak                 ><        adoh

cendhak               ><        dawa

cethek                  ><        jero

cethil                    ><        loma

ciut                       ><        amba

crah                      ><        rukun

culika                   ><        jujur

cuwa                    ><        lega

D                         

dawa                    ><        cendhak

dhuwur                ><        cendhek

duka                     ><        rena

dursila                  ><        susila

E                         

eling                     ><        lali

entek                    ><        isih

G                         

gabug                   ><        mentes

gedhe                   ><        cilik

gela                      ><        marem, lega

gemi                     ><        boros

gething                 ><        seneng

goroh                   ><        jujur

grapyak                ><        anggak

gundhul               ><        ketel

J                          

jago                      ><        babon

jembar                  ><        ciyut

jero                       ><        cethek

jirih                      ><        kendel

jujur                     ><        culika

K                        

kaku                     ><        lemes

kalah                    ><        menang

kalis                     ><        nandhang/ketaman

kandel                  ><        tipis

kasar                    ><        alus

ketiga                   ><        rendheng

kemproh               ><        resikan

kendel                  ><        jirih

kepenak               ><        rekasa

kerep                    ><        arang

kereng                  ><        sabar

kesusu                  ><        sareh

kladuk                  ><        kurang

kuru                     ><        lemu

L                         

lali                        ><        eling

landhep                ><        kethul

lantip                    ><        bodho

larang                   ><        murah

lega                       ><        gela

lembut                  ><        agal

lemu                     ><        kuru

loh                        ><        cengkar

longgar                 ><        sesak

luhur                     ><        asor

lumrah                  ><        aneh

M            

mapag                   ><        ngeterake

marem                  ><        gela

mencutake            ><        nyebahi

mentah                 ><        mateng

mentereng                        ><        prasaja

miris                     ><        tatag

mukti/mulya         ><        sengsara

mursal                   ><        bekti

muspra                  ><        guna

murah                   ><        larang

mungsuh               ><        kanca/bala

N             

nacad                    ><        ngalem

nesu                      ><        rena

nistha                    ><        utama

ngajeni                  ><        ngina

ngakoni                ><        nyelaki

ngati-ati                ><        sembrana

ngebreh                ><        ngirit

ngebon                 ><        kontan

P              

padhang               ><        peteng

padu                     ><        rukun

prasaja                  ><        mubra-mubru

pungkasan            ><        wiwitan

purwa                   ><        pracima

R             

rame                     ><        sepi

rampung               ><        wiwit

rancag                   ><        rendhet

rekasa                   ><        kepenak

resikan                  ><        kemproh

rikat                      ><        alon

S              

sabar                     ><        brangasan

sareh                     ><        kesusu

satru                     ><        kanca

sedhep                  ><        cemplang

sedih                     ><        seneng

sleder                    ><        tliti

semanak               ><        anggak

sengsara                ><        mulya

sepele                   ><        wigati

sregep                   ><        kesed

subur/loh              ><        cengkar

suda                      ><        tambah

susah                    ><        bungah

T             

tabah                    ><        kuwatir

tanpa                    ><        nganggo

takon                    ><        mangsuli

teka                      ><        lunga

temen                   ><        cidra

tipis                      ><        kandel

tradhisional          ><        moderen

tuku                      ><        adol

turah                     ><        kurang/cumpen

U             

ukuman                ><        ganjaran

umuk                    ><        nyata

urip                       ><        mati

W            

wareg                   ><        ngelih/luwe

wetan                   ><        kulon

wedi                     ><        wani

wigati                   ><        sepele

wuled                   ><        mbedhel

wudhu                  ><        payu/laris

wuragil                 ><        pembarep

wutuh                   ><        suda/kalong

Y             

yekti/nyata           ><        goroh/apus-apus

Waosan Salajengipun »»